Եվրամիության ՙԵրիտասարդությունը շարժման մեջ՚ ծրագիրը նախատեսված է 15-28 (որոշ դեպքերում՝ 13-30) տարեկան երիտասարդների համար:

Ծրագրի նպատակն է զարգացնել համերաշխության, հանդուրժողականության, ինչպես նաև ակտիվ քաղաքացի լինելու զգացումը երիտասարդ եվրոպացիների շրջանում: ՙԵրիտասարդությունը շարժման մեջ՚ ծրագիրը բոլորի համար է: Այն խթանում է ոչ ֆորմալ կրթության և միջմշակութային երկխոսության զարգացմանը Եվրամիության սահմաններում և նրանից դուրս, աջակցում երիտասարդների ներգրավմանն այս ոլորտներում, անկախ սոցիալական, կրթական և մշակութային նախադրյալներից: Ծրագիրը, որի բյուջեն 885 միլիոն եվրո է, նախատեսված է յոթ տարվա համար (2007-2013) և բաղկացած է 5 գործողությունից:

Ծրագրի գործողությունները
 

Խրախուսում է երիտասարդների քաղաքացիական ակտիվությունը, մասնակցությունը, ստեղծագործական հմտությունները երիտասարդների փոխանակման, երիտասարդական նախաձեռնությունների և երիտասարդական ժողովրդավարական ծրագրերի միջոցով:

 

Հնարավորություն է տալիս երիտասարդներին անվճար հիմունքներով աշխատել արտասահմանում անհատապես կամ խմբերով:

Օժանդակում է ամբողջ աշխարհի երիտասարդների և երիտասարդական կազմակերպությունների համագործակցությանը:

Ներառում է տարբեր միջոցառումներ, որոնց նպատակն է աջակցել երիտասարդ աշխատողներին և երիտասարդական կազմակերպություններին բարելավելու իրենց գործունեությունը:

Աջակցում է երիտասարդական քաղաքականության համագործակցությանը եվրոպական մակարդակով՝ մասնավորապես նպաստելով երիտասարդների և քաղաքականություն մշակողների երկխոսությանը:

ՙԵրիտասարդությունը շարժման մեջ՚ ծրագրին Հայաստանը կարող է մասնակցել միայն գործողություն 2-ի և գործողություն 3.1-ի միջոցով:

Գործողություն 2. Եվրոպական կամավորական ծառայություն

ՙԵրիտասարդությունը շարժման մեջ՚ ծրագիրը երիտասարդներին հնարավորություն է ընձեռում իրական փոփոխություն կատարել աշխարհում և իրենց կյանքում Եվրոպական կամավորական ծառայության (ԵԿԾ) շնորհիվ:

Ծրագրին կարող են մասնակցել 18-30 տարեկան բոլոր երիտասարդները: Կամավորական գործունեություն ծավալելով` երիտասարդ կամավորները կարող են ձեռք բերել նոր հմտություններ և կատարելագործել իրենց մասնագիտական գիտելիքները: Ծրագրի վերջում նրանք ստանում են մասնակցությունը փաստող վկայագիր: 

ԵԿԾ-ին մասնակցելով` երիտասարդները կարող են որպես կամավոր աշխատել այլ երկրում 3-12 ամիս տևողությամբ: Ծրագիրը կարող է ունենալ տարբեր ուղղվածություններ` մշակութային, մարզական, հասարակական և այլն: ԵԿԾ-ին մասնակցությունն անվճար է: Կամավորի ճանապարհածախսը, ապահովագրության ծախսերը հոգում է ընդունող կազմակերպությունը, ինչպես նաև տրամադրում է բնակարան և ամեն ամիս հատկացնում սննդի համար նախատեսված գումար: Սահմանափակ հնարավորություն ունեցող երիտասարդների համար սահմանված են հատուկ պայմաններ: Օրինակ` Եվրամիության կազմում չընդգրկված երկրների քաղաքացիները ծրագրին կարող են մասնակցել երկու անգամ, սակայն տևողությունը պետք է կազմի 12 ամիս: ԵԿԾ-ն կարող է լինել անհատական, ինչպես նաև խմբային:

ԵԿԾ կարելի է իրականացնել ՙԵրիտասարդությունը շարժման մեջ՚ ծրագրում ներառված,  ինչպես նաև գործընկեր երկրներում: Որոշ  ծրագրեր հնարավոր է իրականացնել Եվրամիության գործընկեր երկրներում: Դրանք են Միջերկրածովյան երկրները, Արևելյան Եվրոպան և Կովկասի տարածաշրջանը, Հարավարևելյան Եվրոպան և Լատինական Ամերիկան: Նախագծի մեջ ընդգրկված երկրներից գոնե մեկը (կամավորին ուղարկող կամ ընդունող կազմակերպության երկիրը) պետք է ներառված լինի ՙԵրիտասարդությունը շարժման մեջ՚ ծրագրում:

Եվրամիության անդամ 27 երկիր, Իսլանդիան, Լիխտենշտեյնը, Նորվեգիան և Թուրքիան:

  Հարևան գործընկեր երկրներն են`

Մյուս գործընկեր երկրներն են`

Որ ծախսերն է հոգում ԵԿԾ-ն 

Կամավոր դառնալու համար նախևառաջ անհրաժեշտ է ունենալ ուղարկող կազմակերպություն, որը կաջակցի կամավորին ծրագրի ողջ ընթացքում: Երկրորդ քայլն է գտնել այնպիսի հյուրընկալող կազմակերպություն, որը կառաջարկի կամավորի պահանջներին բավարարող ծրագիր: Հայաստանի համար կարևոր է նաև ժամանակին լուծել վիզայի հետ կապված խնդիրները:

Գործողություն 3. Երիտասարդությունն աշխարհում

Այս գործողության ծրագրերը հատուկ նախատեսված են Եվրամիության կազմից դուրս գտնվող երկրների համար: Գործողության նպատակն է ամրացնել Եվրամիության և հարևան երկրների կապերը` երիտասարդներին հնարավորություն տալով մասնակցել ոչ ֆորմալ կրթությանը վերաբերող ծրագրերի կամ երիտասարդների փոխանակումների: Այս գործողությունն աջակցում է Եվրամիության գործընկեր երկրների ծրագրերին՝ հատուկ ուշադրություն դարձնելով հարևան տարածաշրջաններին` Արևելյան Եվրոպա, Կովկաս, Միջերկրական տարածաշրջան և Հարավարևելյան Եվրոպա:

Հայաստանը ծրագրին կարող է մասնակցել միայն հետևյալ ենթագործողության միջոցով`

Ենթագործողություն 3.1- Համագործակցություն Եվրամիության հարևան երկրների հետ:
Այս ենթագործողությունն աջակցում է հարևան գործընկեր երկրների հետ իրականացվող ծրագրերը, մասնավորապես Երիտասարդների փոխանակումները, ուսուցումները և ցանցային ծրագրերը երիտասարդության ոլորտում:

Երիտասարդների փոխանակումներ

Երիտասարդների փոխանակումները հնարավորություն են տալիս տարբեր երկրներից ժամանած երիտասարդների խմբերին մի քանի օր անցկացնել միասին ու բացահայտել միմյանց նմանություններն ու տարբերությունները: Մասնակիցները պետք է լինեն 13-25 տարեկան: